علی آقا واحد دن تورکی شعر + دئدیم دئدی

دئدیم:ای غنچه دهن، کونلومو قان ائله میسن،


دئدی :بیجا یئره عشقیمده فغان ائیله میسنِ


دئدیم:انصاف ائله ، اینجیتمه منی ، عاشقینم ،


دئدی: گئت ، سیرّیمی دنیایا عیان ائیلمه میسن


دئدیم: آغلاتما منی سرو بویون شؤقنده،


دئدی: گوز یاشی بیهوده روان ائیلمه میسن:


دئدیم: آخیر، گوزلیم، باخ وبهاریم سن سن،


دئدی: سن عؤمرونو حسرتله خزان ائیله میسن.


دئدیم: آز چکمه میشم گوزلرینین حسرتینی،


دئدی: اؤز کؤنلونو یئرسیز نیگران ائیله میسن.


دئدیم: عشقینده اسیرم، منه بس خئییری نه دیر؟


دئدی: اولده بو سودادا زیان ائیلمه میسن.


دئدیم: عشق آتشی نئیلر منه، قورغان دئیلم


دئدی: بیچاره، یانارسان، نه گمان ائیله میسن؟


دئدیم:ای گول، من ازلدن ده گوزل عاشیقییم،


دئدی: سن رحونوعشق ایله جاوام ائیله میسن.


دئدیم:هر گون سحر کویوندا دولانماقدیر ایشیم،


دئدی: واحد،نه گوزل یئرده مکان ائیله میسن.

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Doğum günün mübarək

Illər öncə bugündə , firlandı çərxi fələk

Göndərdi Tanrı yerə , bir nazlı duzlu mələk

Günəş üzlü incə bel , şirin sözlü uzun tel

Gözəllər maralıdır , bu ahu gözlü göyçək

Masum baxışlarınla , titrətdin qəlbimi sən

Doğum günün birtənəm , olsun sənə mübarək

Bucur gözəl bir gündə , təqdim edirəm sənə

Sevgi dolu hədiyə , birdəki qırmız çiçək

Şad günlərin çox olsun , dərdin qəmin yox olsun

Səni çox sevdiyimdən , tutdum bucur xoş dilək

Tək varlığımsan ey can , olum sənə mən qurban

Sənin xoşbəxt olmanı , istər bu aşıq ürək

Şair : Vəhid Şükürzadə

دوغوم گونون موبارک

ایللر اونجه بو گونده ، فیرلاندی چرخی فلک

گؤندردی تانری یئره ، بیر نازلی دوزلو ملک

گونش اوزلو اینجه بئل ، شیرین سؤزلو اوزون تئل

گؤزللر  مارالی دیر ، بو آهو گؤزلو گؤیچک

معصوم باخیشلارینلا ، تیترتدین قلبیمی سن

دوغوم گونون بیرتانم ، اولسون سنه موبارک

بوجور گؤزل بیر گونده ، تقدیم ائدیرم سنه

سئوگی دولو هدیه ، بیرده کی قیرمیز چیچک

شاد گونلرین چوخ اولسون ، دردین غمین یوخ اولسون

سنی چوخ سئودییمدن ، توتدوم بوجور خوش دیلک

تک وارلیغیمسان ای جان ، اولوم سنه من قوربان

سنین خوشبخت اولمانی ، ایستر بو عاشیق اورک

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

عومور گئچیر من یوخودا قالمیشام                                    

                    هامی گئدی، من دالییا قالمیـشام

یولوم ندیر،  سوزوم ندیر بیلمیرم                   

                    من نه یازیق نه آوارا قالمیـــشام

مکتب کیتاب ندیر بوراخدیم من بیر یانا     

                    سوزوم چوخدو یازا یازا قالمیشام

هره بیر ایش اوجو توتوب دونیادا             

                    من ایشسیزم من هاوادا قالمیـــشام

صاباح اولسون دییرم هر گئجه من یاتاندا    

                    بویون صاباح من صاباحا قالمیشام

اوغورلودو ایش دالیجا گئدنلر            

                    سن گئتمی سن! کی بو حالا قالمیشام

قاراداغلی توت ایشیوی بوراخما              

                    بوراخمیســــان کــی ایونا قالمـیـشام

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

گوی اوزو داش ساخلاماز (رامیز روشن)

دوروب گوی اوزونه داش آتان اوغلان،

گوی اوزو داش ساخلاماز.

اوغول بئله باش ساخلاماز، آتام بالاسی،

كیم قیرخیب باشینی،

                        سالیب بو كوكه؟

شالوارین، پئنجه‌یین اوزونده‌ن یئكه،

باخیرسان، گوی اوزو، گوزونده‌ن یئكه__

            دوروب گوی اوزونه داش آتان اوغلان،

هئله‌كی باشینا__ گوزونه قیماز،

            آتدیغین داشلاری ساخلار گوی اوزو.

آتدیغین داشلاری، توتوب الینده،

سه‌نی ایللر بویو یوخلار گوی اوزو،

قیرخیق باشین توكله‌نین‌جه،

او دوم‌دورو گوز‌لرین،

            بولانینجا، چیركله‌نینجه،

                        آتدیغین داشلاری ساخلار گوی اوزو،

یئدیینده‌ن ییرسه‌ن،

            گئیدیینده‌ن گیرسه‌ن،

                        بویویه‌رسه‌ن، بویویه‌رسه‌ن، آتام بالاسی.

گوزله‌رین بویویه‌ر سه‌ن بویودوكجه،

            گوزونده یاش بویویه‌ر،

اللرین بویویه‌ر سه‌ن بویودوكجه،

            گوی اوزونده

                        آتدیغین داش بویویه‌ر.

باخت گولسه اوزونه‌ بو یئر اوزونده،

اولومون لنگیب گئجیكه بیله‌سه،

او داش‌دان اوزونه بو یئر اوزونده،

            حاصار چئكه بیلسه‌ن، ائو تیكه‌ بیلسه‌ن.

بیر گوی قورشاغی‌تك عومرون اوزانسا،

            باختینا هر جوره رنگ‌ده دوشه‌جك،

بیر گون بو دنیادا قبرین قازیلاسا،

            بلكه‌ده، باش داشین گوی‌دن دوشه‌جك.

... دوروب گوی اوزونه داش آتان اوغلان

            گوی اوزو داش ساخلاماز ...

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

رامیز روشن

ایلان بالاسی

 بؤیویور کؤرپه ایلان بالاسی

  گاه او باشا گاه بو باشا سورونور

سئوینیر اوددوغو هاوایا سویا

  تورپاغا سئوینیر داشا سئوینیر

بیرسئوگی هوسی دولور جانینا

گئجه‌لرگؤزونون ایتیر یوخوسو

چیچه یین قوخوسو

اوتون قوخوسو

کوله‌یین نفسی دولور جانینا

...اؤزوندن خبرسیز سس‏سیز- سمیرسیز

زهَره چئوریلیر جانیندا هر شئی...

بوایلان بالاسی بیر واخت جانیندا

گیزله‌نن زهردن خبر توتاجاق

بلکه قارغییاجاق باختینی اوندا

بلکه بوغازینی قهر توخاجاق

آغلاما، آغلاما ایلان بالاسی،

باختینی قارغیما ایلان بالاسی!

بو دا بیر عؤموردو

 دؤزه‏سن گرک

بئله‌یمیش طالعین امری بویروغو

دؤشونون آلتیندا سئون بیر اوره‌ک

دیشی‌نین آلتیندا زَهَر تولوغو

گؤرنلر چیغیرار:

-ایلان وار، ایلان!...

قوودوقجا قووارلار سنی دونیادا.

هر یئردن کسیلر یولون-یولاغین

تک بیرجه یول قالار سنه دونیادا

باشیندان

قویروغوناجان،

زَهَرلی دیشیندن

قویروغوناجان

تک بیرجه یول قالار،-

 او یول اؤزون سن

اؤزون اؤز یولونسان ایلان بالاسی

اؤزون بو دونیادا اؤز عزیزینسن

اؤزون اؤز بالانسان ایلان بالاسی

هارا قاچاجاقسان

گؤز قاباغیندان

بو ظالیم دونیایلا  نئیله‌یه‌جک‌سن؟

یوز یول چیخاجاقسان

اؤز قابغیندان

اؤزوندن آیریلا بیلمه‌یه‌جکسن.

اویرن،

یاواش یاواش اؤزونه اؤیرن

دونیانین هر جوره اوزونه اؤیرن

باریش جانینداکی زهرلی دردله

  اییره‌نمه اؤزوندن ایلان بالاسی

بلکه ده اَن آجی حقیقت ائله

سن سن یئر اوزونده ایلان بالاسی

سن سن حاققین یولو بو یئر اوزونده

تانری اؤزو سئچیب بو یولو بلکه.

یوز جور صیفتی‏یله، یوز جور اوزویله

دونیا سندن کئچیب دورولور بلکه...

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

نصرت كسمنلی

بیری واردی ، بیری یوخ …

اولان اولوب گئچن گئچیب بلكه‌ده

ایندی داها كؤوره‌لمه‌یین یئری یوخ

عؤمروم بؤیو بئله گلیب منیم كی

اولیندن بیری واردی، بیری یوخ

اوزاقدایدی من ایسته‌ین اوجاق لار

اوره‌ییمدن گلیب گئچدی سازاقلار

آتالییدی، آنالییدی اوشاق‌لار

بیزیم ائوده بیری واردی، بیری یوخ

گؤزلریمه دولدورموشام یاغیشی

بیر كؤینك‌ده چیخارمیشام من قیشی

شالوارـ پنجك گئیینیردی تای ـ توشوم

منده ایسه بیری واردی، بیری یوخ

قلبیم یاندی ایلك سئوگیمدن، عشقیمدن

دارا دوشدوم ال اوممادیم هئچ كیمدن

مجلس‌لرده جان دئییب جان ائشیدن

دوستلاریمین بیری واردی ، بیری یوخ

اوزوم گولدو طلبه‌یم دئینده

سیخیلیردیم دوست پنجه‌یی گیینده

موعللیم‌له دیل تاپا بیلمئینده

قیمتیمین بیری واردی، بیری یوخ

من اوردویا نه‌لر گؤروب گئتمیشدیم

اوره‌ك آلیب اوره‌ك قیریب گئتمیشدیم

ایكی قیزا كونول وئریب گئتمیشدیم

قاییداندا بیری واردی، بیری یوخ

اوزاق گزدی عمی، دائی، بیبی‌لر

سؤز آراسی منه ائولن دئدی‌لر

نشان اوچون ایكی شئی ایسته‌دی‌لر

منده ایسه بیری واردی، بیری یوخ

واخت گله‌جك بو گونو گؤره‌جكسن

چوخ سوآلا گؤزونو دؤیه جك‌سن

واخت گله‌جك سن اؤزون دئیه جكسن

دئیه جكسن، بیری واردی، بیری یوخ…

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

هارای، هارای ائللر تورک اوغلو تورکـم،

پـامبیقدان یوموشاق، داشـداندا برکـم،

قیلینجلا دوغـرانیب، گوللـه‌نمیـشم،

ستـارخان، جـاویـدان، بویوک بابکـم.

هارای، هارای  ائللر تورک اوغلو تورکـم.

*****

آلوولار یـــوردودور مـنیم مـسکــنیم،

اودلار اولکـه‌سـی دیـر منیم  وطنیـم،

آذربــــایـجـان‌دیر قـانــلی کفنیــم،

نه دیـر آغیرلیغیم کیمه... مـن یوکـم؟

هارای، هارای  ائللر تورک اوغلو تورکـم.

*****

تاریخلر شـاهیدیر بـو  تـورک آدیمـا،

کیمـسه دار گـونومده چـاتماز دادیما،

مـــن فخـر ایـلـه‌یـرم اؤز اولادیـمـا،

یاراشـمـاز یــادلارین مـینّتین چـکـم،

هارای، هارای  ائللر تورک اوغلو تورکـم.

*****

هر میللت عزیزدیر، عزیزدیر اینسان،

اینـسانـین شأنینه، آدیـنـا قـربــان،

منده بیر اینسانام سن کیمی اینسان،

دئـمیـره‌م مله‌گـم دونیـاده تکــم،

هارای، هارای  ائللر تورک اوغلو تورکـم.

*****

آسیـا ، اوروپـا تورپـاغـیندایـــام،

دریالار، داغلارین قوجـاغیندایــام،

حـریت، آزادلیـق سـوراغیندایــام،

هارای مسلمان ائل، مسلمان اؤلکم،

هارای، هارای  ائللر تورک اوغلو تورکـم.

*****

او دمیــر قـاپـیـی‌دان زنــگانـا قـده‌ر،

همــدانــدان تــوتــوب تـهرانـا قـده‌ر،

آذربــایجـان‌دیـر بـیــزیـم بــو یئــرلر،

تـورک دیـلی دانیشیر اوشـاقیم ، یئکـم،

هارای، هارای  ائللر تورک اوغلو تورکـم.

*****

حـاقیـم اوچون قانیـما مـن بلـنمـیشم،

آرازام خـــــزرده لــپــه لنــمـــیشم،

بـوتـون ایـران بـویـدا سـپـه لنمـیشم،

اؤزومــه یئــر اکــم سنــه ائـو تیکــم،

هارای، هارای  ائللر تورک اوغلو تورکـم.

*****

منیـم اؤز یـوردوم وار منـیم اؤز ائلیـم،

شیــرینـدیر اؤزومـه منیـم اؤز دیلیـم،

هم گوللـه دیلیم وار همده سؤز دیلیـم،

ایستـه‌سـم قورارام ایسته‌سـم سوکـم،

هارای، هارای  ائللر تورک اوغلو تورکـم.

*****

ائشیدسین سه‌سیمی شووونیزم فــارس،

داشناقلار بیلسین کـی بئله ده قالمـاز،

تـورپاغیم گوهـردیر دیلیم بیر آلمـاس،

حاق اوسته حاضیرام جاندان ال چکـم،

هارای، هارای  ائللر تورک اوغلو تورکـم.

*****

خردادین بیرینده جوشوب قاینادیــق،

تـورک آدین دونیایا اعلام ائیله‌دیــق،

تبـریـزین نـامینـه قیــام ائیله دیــق،

حاضیرام بیر قانا مین بیـر قـان توکـم،

سس وئرین دوشمنلر سانماسین تکـم،

هارای، هارای  ائللر تورک اوغلو تورکـم.

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

«آیریلیق»

نازلی یار عشق اودونا بیرده آلیشدیم

یئنه جانان لا كوسوب قم له باریشدیم

بیرده او دورنا گؤزون گؤرمگینه جانلا چالیشدیم

یئنه ده قان لا قاریشدیم

یئنه كؤنلوم نه اولوبدور توتولوبسان

هانسی لیلا سایاغا مجنون اولوبسان ، وورولوبسان

ندی دردین نیه بس قانلا دولوبسان؟

یار تك ، سنده اورك ، آتما منی

بیر خومارگؤز مارالین قایغی سینا ساتما منی

سنده جانان كیمی آلداتما منی

قم ایله ، ماتم ایله قاتما منی

یئتر آغلاتما منی .

نه اولار سنده بیرآز مهر و محبت گؤره سن؟

دیل بیلن یارین اولا ، شوق ایله نازین چكه سن؟

یار سنین یارین اولا ، او قارا زولفون هؤره سن؟

بو قدر آغلاماییب بیر گوله سن؟

دونن آخشام یئنه گئتدیم گؤرم او نازلی یاری

وعده وئرمیشدی گله بیرده باری

نئجه اود ووردو منه او گؤروشون اینتیظاری

گلمه یین گئتمه یه قاتدی دلی كؤنلوم نیگاری

بیرده باخدی اوزومه ایسته دی گئتسین

دؤزمه دی سؤزلریمی كامیل ائشیتسین

نه اولوردو او منیم حالیمی بیلسین.

بیر قدم گوتدو چاغیردیم:

نه اولور گئتمییه سن

منی ترك ائتمیه سن

دؤندو باخدیم اوزونه

دوشدو یالوارماغا دیل، آغلاماغا گؤز

گئتمه بیر دؤز

سنه یالوارمیرام، آمما

بونو یالوارماق حئسابلا

اوخ اولوب باغریما باتما

منی آتما.

دؤندو تحقیر ایله باخدی

قم اوخون قلبیمه تاخدی

كؤنلومو اودلادی یاخدی

دئدی:آخیر نه دئییم باشقا یاریم وار

سنه من سؤز وئره بیلمم، اؤزومون سؤز وئرنیم وار

نه یامان وئردی جواب او سؤزومه

بیر زامان چیخدیم اؤزومدن ، یئنه گلدیم اؤزومه

اوندا بیلدیم كی گئدیبدیر او گوزل یاریم الیمدن

نئجه اینصاف ائلدی او آییران جانی تنیمدن

ایكی ال بیر باشیم اولدو

ائله بیل یوز یاشیم اولدو

بوغازیم توتدو قهر، باتدی سسیم

ائله بیل كی كسیلیردی نفسیم.

 اودا باخماقلا منه گؤزلری دولدو

سارالیب هئیوا كیمی ، گول كیمی سولدو.

آغلادیق هر ایكیمیز یاش توكنینجه

بو صداقتلی سئوینجه

گؤزو آغلار سسی سیزلاردیله گلدی

سانكی بی دین ، دینه گلدی

دئدی ، سن هر نه دئمیشدینسه ایناندیم

سنی مجنون كیمی ساندیم

سنی یاندیرماغا یاندیم

چوخ اوتاندیم،

من سنین عشقینه لاییق دئییلم

بیه مندن سورا گؤز قاره سی یوخدور،

آیریلیق دیر یولوموز

چاره سی یوخدور.

بو سؤزایله گئدرك آتدی منی

قم ایله ، نیسگیل ایله قاتدی منی

آخ نئجه آغلاتدی منی.

بیرده اود توتدو یانان سیگاریلا جان

یاندی قلبیم اودونا ، توستوسونه عشق بوغولدو

وئردیگیم قول شرف سیندی اوغولدو

گلدی یورغون سره لندی

گؤزلریندن یاش الندی.

توتدو اوز تانریا ، قیشقیردی باغیردی:

هئچ كیمین سئوگیسینی باشقاسینا یار ائله مه

منی بوندان دا بؤیوك درده گرفتار ائله مه.

آغلاماقدان دا یورولدو

سیلدی گؤز یاشلارینی سوسدو بوغولدو

آچدی قم دفترینی قان ایله یازدی:

منی هئچ كیمسه اینانماز

سؤزومو دردیمی قانماز

دوشر عاشیق اودا البت

هئچ كیم آنجاق ، بئله یانماز.

بابك اسدی

داغداغان

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

آذربایجان قیزی ، تئللی زری + ماجرای زن آذربایجانی در زمان مشروطیت

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

تا گلمه سه مهدی بشر آزاد اولا بیلمه ز

تا گلمه سه مهدی بشر آزاد اولا بیلمه ز

انسان اولا حیوان اولا دیل شاد اولا بیلمه ز

هر کیمسه دئیه اللشین آزاد اولاق اولماز؟

گر ظاهره او چیخماسا ارشاد اولاق اولماز؟

قویماز بیزی دشمانلاریمیز شاد اولاق اولماز؟

بیر کیمسه ده بو سؤزلره ایراد اولا بیلمه ز

ظاهرده چولون حیوانی آزاددی بشردن

باطنده ولی دائیمی لرزاندی خطردن

شیر بوشلاماز آهونی اگر گئچسه نظردن

اول وقته بشر حیوانا امداد اولا بیلمه ز

شیر حیوانا سلطاندی مگر یوخدی بلاسی

بیر انسانی گؤرسه چیخاجاق عرشه نواسی

راحت یئیه بیلمه ز قالار آغزیندا غذاسی

شیر انسانا، آهو شئره صیاد اولا بیلمه ز

ایت قوردی گؤرنده گلیری فوری نوایه

قود شیری گؤرنده توتور ئوز عرش خدایه

گؤرجک قارا قوش دورنانی تئز قالخیر هوایه

قوزقون گؤره دورنا اوکی ارشاد اولا بیلمه ز

قوش یئرده که دن دنلیری باخ بیر اونا قارداش

دائیم تیتیریر قورخودادیر که دئیه جاق داش

بیر کس دئیه بیلمه ز ایت اولوب قوردیله یولداش

عالمده بخیل قورد کیمی بیر زاد اولا بیلمه ز

آزاد دگیلی آنلادیق ایندی بوتون حیوان

گونده گزیری کوه و بیاباندا هراسان

حیوان بئله اولسا نه چکیر گؤر یازیق انسان

فانی اولار انسان سؤزی برباد اولا بیلمه ز

ماموری بو حیوانین هله یوخدی یانیندا

محتاج دگیلی هئچ زادا بیر فکری جانیندا

آسوده یاتانمیر گئجه لر دودمانیندا

سؤیلور نئجه کی لانه ده جلاد اولا بیلمه ز

انسان نئجه آزاد اولاجاق اولماسا حیوان

باخمیر سؤزونه بیربیرینین دهریده انسان

بیر عدده سی کافردی بیر یاخشی مسلمان

آزادلیق عزیزیم بئله ایجاد اولا بیلمه ز

آزادلیقی اسلام بیزه اورگتدی برادر

قانون قرآندی قارا آغ اولدی برابر

صبر ائیله دی هر تهمته اول قوخمییان حیدر

هر کیمسه ده صبر اولماسا استاد اولا بیلمه ز

انسان اوگون آزاتدی گله حجتی یزدان

آسوده گزه ر کل جهاندا بوتون حیوان

کل بشره حاکم اولار دهریده قران

اوندا یکه شیطان بیزه شداد اولا بیلمه ز

ائتسه او ظهور قورد قویونیله اولی یولداش

راحت دولانار آهو گئدر هریانا بیر باش

ملت دوزلر جمله اولار یولداش و قارداش

دوز انتقادا دهریده فریاد اولا بیلمه ز

آزادلیق اودیر اولمییا عالمده جنایت

قارداش باجیدان ائیله مییه گونده شکایت

پولدان اوتوری ائیله مییه خلقه خیانت

دوز اولسا بشر خلقیده اسناد اولا بیلمه ز

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید